1 Best Music Director
2 Best Music Director
3 Best Music Director
4 Best Music Director
5 Best Music Director
6 Best Music Director
7 Best Music Director
8 Best Music Director
9 Best Music Director
10 Best Music Director
11 Special Jurry Award
12 Best Music Director
13 best MelodySong : Sulanga Wage Avidin
14 Best Music Director
15 Best Music Director
16 Best MelodySong : Kanda Eha
17 Best Music Director
18 Best Music Director [2nd]
19 Best Music Director
20 Best MelodySong : Daru duka uhula
21 Best Music Director
22 Best Music Director
23 Best Music Director
24 Best Music Director
25 Best Music Director
26 Best Music Director
27 Best Music Director
28 Best Music Director
29 Best Music Director
30 Best Music Director
31 Best Music Director
32 Best Music Director
33 Best MelodySong : Nivi pahan vunu
34 BestMusic Director
35 Best Music Director
36 Best Music Director
1 | සුදු සඳේ කළු වලා සංගීත අධ්යක්ෂණය | 1963 |
2 | සමාජයේ අපි ඔක්කොම සමානයි සංගීත අධ්යක්ෂණය | 1964 |
3 | සැපත සොයා සංගීත අධ්යක්ෂණය | 1965 |
4 | සීතල වතුර සංගීත අධ්යක්ෂණය | 1966 |
5 | සැනසුම කොතනද සංගීත අධ්යක්ෂණය / සංගීත අධ්යක්ෂණය | 1966 |
6 | කපටිකම පසුබිම් සංගීතය | 1966 |
7 | මනමාලයෝ සංගීත අධ්යක්ෂණය | 1967 |
8 | රෑන ගිරවු සංගීත අධ්යක්ෂණය | 1967 |
9 | ගොළු හදවත සංගීත අධ්යක්ෂණය | 1968 |
10 | බයිසිකල් හොරා සංගීත අධ්යක්ෂණය | 1968 |
11 | වනසරා සංගීතය | 1968 |
12 | ආදරවන්තයෝ සංගීත අධ්යක්ෂණය | 1968 |
13 | නාරිලතා සංගීත අධ්යක්ෂණය | 1969 |
14 | හරි මග සංගීත අධ්යක්ෂණය | 1969 |
15 | හතර පෙරලිය සංගීත අධ්යක්ෂණය | 1969 |
16 | මී මැස්සෝ සංගීත අධ්යක්ෂණය | 1969 |
17 | හන්තානේ කතාව සංගීත අධ්යක්ෂණය | 1969 |
18 | සුමුදු භාර්යා සහය සංගීත අධ්යක්ෂක | 1970 |
19 | පේනවා නේද සංගීත අධ්යක්ෂණය | 1970 |
20 | ප්රියංගා සංගීත අධ්යක්ෂණය | 1970 |
21 | පූජිතයෝ සංගීත අධ්යක්ෂණය | 1971 |
22 | රන් ඔන්චිල්ලා සංගීත අධ්යක්ෂණය | 1971 |
23 | කතුරු මුවාත් සංගීත අධ්යක්ෂණය | 1971 |
24 | සීයේ නෝට්ටුව සංගීත අධ්යක්ෂණය | 1971 |
25 | සමනල කුමරියෝ සංගීත අධ්යක්ෂණය | 1971 |
26 | නිධානය සංගීත අධ්යක්ෂණය | 1972 |
27 | දෑස නිසා සංගීත අධ්යක්ෂණය | 1975 |
28 | බඹරු ඇවිත් සංගීත අධ්යක්ෂණය | 1978 |
29 | වසන්තයේ දවසක් සංගීත අධ්යක්ෂණය | 1979 |
30 | සොල්දාදු උන්නැහේ සංගීත අධ්යක්ෂණය | 1981 |
31 | බංගලි වළලු සංගීත අධ්යක්ෂණය | 1981 |
32 | කලියුගය සංගීත අධ්යක්ෂණය | 1983 |
33 | දඩයම සංගීත අධ්යක්ෂණය | 1983 |
34 | සිරිමැදුර සංගීත අධ්යක්ෂණය | 1989 |
35 | ක්රිස්තු චරිතය සංගීත අධ්යක්ෂණය | 1990 |
36 | මධුසමය සංගීත අධ්යක්ෂණය | 1991 |
37 | සිසිල ගිනි ගනී සංගීත අධ්යක්ෂණය | 1992 |
38 | පවන රළුවිය සංගීත අධ්යක්ෂණය | 1994 |
39 | මාරුතය සංගීත අධ්යක්ෂණය | 1995 |
40 | අවරගිර සංගීත අධ්යක්ෂණය | 1995 |
41 | අයෝමා සංගීත අධ්යක්ෂණය | 1995 |
42 | ලොකු දුව සංගීත අධ්යක්ෂණය | 1996 |
43 | ගිනි අවි සහ ගිනි කෙලි සංගීත අධ්යක්ෂණය | 1998 |
44 | ජුලියට්ගේ භූමිකාව සංගීත අධ්යක්ෂණය | 1998 |
45 | මතුයම් දවස සංගීත අධ්යක්ෂණය | 2001 |
46 | අග්නිදාහය සංගීත අධ්යක්ෂණය | 2002 |
47 | සොඳුරු දඩබිම සංගීත අධ්යක්ෂණය | 2003 |
48 | ගිනි කිරිල්ලී සංගීත අධ්යක්ෂණය | 2004 |
49 | රන් දිය දහර සංගීත අධ්යක්ෂණය | 2004 |
50 | අසනි වර්ෂා සංගීත අධ්යක්ෂණය | 2005 |
51 | ගරිල්ලා මාකටින් සංගීත අධ්යක්ෂණය | 2005 |
52 | භේරුණ්ඩ පක්ෂියා සංගීත අධ්යක්ෂණය | 2006 |
53 | ඇයි ඔබ තනිවෙලා සංගීත අධ්යක්ෂණය | 2008 |
54 | එකමත් එක රටෙක සංගීත අධ්යක්ෂණය | 2009 |
55 | කන්යාවී සංගීත අධ්යක්ෂණය | 2009 |
1 | සෝබන සිත
| 1964 |
2 | සැපත සොයා
| 1965 |
3 | කපටිකම
| 1966 |
4 | මධුසමය
| 1991 |
1 | රාමසැරය | සංගීත අධ්යක්ෂණය |
කේමදාස මාස්ටර් නමින් සංගීත ක්ෂේත්රය දිග් විජය කළ ප්රේමසිරි කේමදාස (ජනවාරි 25, 1937 – ඔක්තෝබර් 24, 2008) වනාහි ශ්රී ලාංකේය සංගීතයේ නිම් වළළු පුළුල් කළ සංගීත රචකයා යනුවෙන් හැඳින්වීම වරදක් නොවේ. ලොව පුරා පවතින විවිධ සංගීත ශෛලීන් ගවේශනය කිරීම තුළින් අනන්ය සංගීත ශෛලියක් බිහි කිරීම කේමදාසයන් ගේ වෑයම විය. හේ, සිංහල ජන සංගීතය ද, හින්දුස්ථානී සංගීතය ද, බටහිර සංගීතය ද, වෙනත් අනේකවිධ සංගීත දහරාවන් ද, අද්යතන යුගයට ඔබින අයුරින් සංයුක්ත කිරීමෙන් තම තනු රචනාවන් නිර්මාණය කළේ ය. ඔහුගෙන් ශ්රී ලාංකේය සංගීත ක්ෂේත්රයට සිදු වූ සේවය ඇගයීමක් වශයෙන් පසුකාලීන ව රුහුණ විශ්වවිද්යාලය මගින් කේමදාස ශූරීන් හට ගෞරව ආචාර්ය උපාධියක් පිරිනමන ලදී.
ළමා කාලය
තල්පිටිය, වාද්දූව නම් ගමෙහි දරුවන් දහතුන් දෙනෙකුගෙන් යුත් පවුලක බාලයා ලෙස උපන් කේමදාස කෙරෙහි කුඩා කාලයේ දී කිසිවකුගේ අවධානය යොමු නොවූයේ ය. වයස අවුරුදු හයේ දී අන් සියළුම ළමුන් තම දෙමාපියන් සමග පාසලට ඇතුලත් වීමට ගියත් කේමදාස ගියේ තනිවම ය. දිළිඳුකම නිසාවෙන් ම කේමදාසගේ අධ්යාපනය කෙරෙහි පවුලේ කිසිවකුගෙන් සහයෝගයක් නොලැබුණි. ඔහුට වයස අවුරුදු හතේ දී ඔහුගේ පියා රා මැදීමට ගොස් සිටිය දී පොල් ගසකින් වැටී මිය ගියේ ය. අනතුරුව පවුලේ බර කරට ගැනීමට සිදු වූයේ කේමදාසගේ මව වූ ඇලන් පෙර්රා මහත්මියට යි. ඈ ගම්මුන් හට තම වැස්සියගෙන් ලැබෙන කිරි විකුණමින් පවුල නඩත්තු කළාය. කේමදාස ගේ වැඩිමහල් සොයුරිය පැදුරු සහ පන් මළු විවීමෙන් ආදායමක් ලැබුවාය. කේමදාස ලංකාවේ ඒ වන විට අඩු ම මිලකට මිලදී ගත හැකි ව තිබූ බටනලාවක් මිල දී ගෙන වාදනය පුහුණු වූවේ ය. පෙරේරා පවුලේ කිසිවකුට නොතිබෙන සංගීතමය හැකියාව හා ඇල්ම කේමදාසට උරුම වූයේ කෙසේද යන්න කිසිවකු දැන සිටියේ නැත.
කේමදාස පසු කාලයක සඳහන් කළ පරිදි ඔහුගේ ජීවිතය වෙනස් වූයේ ඔහු ශාන්ත ජෝන් විද්යාලයේ හය වන ශ්රේණියේ උගනිමින් සිටියදී ය. ඒ වන විට පන්තියේ දක්ෂතම සිසුවා වූ කේමදාසට ලැබීමට නියමිත ව තිබූ ද්විත්ව උසස්වීම නොලැබුණු කල ඔහු ඒ පිළීබඳ ව විමසීමට විදුහල්පතිවරයා හමු වූයේ ය. කේමදාසට සිදු වූයේ විදුහල්පතිතුමාගෙන් තැලුම් පහර කෑමට ය. ඔහුට හිමි ව තිබූ උසස් වීම ප්රදේශයේ ධනවත් දේශපාලඥයකුගේ දරුවකුට ලබා දී තිබිණ. එතැන් සිට ඉගෙනීමට තිබූ ඔහුගේ ඇල්ම ක්රමයෙන් අඩුවූ අතර බටනලා වාදනයට ඇති ආසාව දෙගුණ තෙගුණ විය.
කේමදාස සංගීතඥයකු වනු දැකීමට පවුලේ කිසිවකු අපේක්ෂා නොකළ අතර කේමදාස ගේ වැඩිමහල් සහෝදර සහෝදරියෝ ඇතැම් විට ඔහුගේ බටනලා පුස්සා දමන්නට කටයුතු කළහ. කේමදාසගේ ප්රසිද්ධම කතාවක් වූයේ ඔහු පානදුර සිට කොළඹට දුම්රියේ බටනලා වාදනය කරමින් ගිය ආකාරය යි. දුම්රියේ ගමන් කරන වරායේ සේවකයන් පිනවීම වෙනුවෙන් ඔහුට සුළු මුදලක් ලැබිණ. කුඩා කේමදාස කිසිඳු දිනක දුම්රියේ යාමට ප්රවේශපත්ර නොගත්තේ ය. ටිකට් පරීක්ෂකවරුන් පැමිණි විට හිතවත් සේවකයන් කුඩා බටනලා වාදකයා ඔවුන්ගේ කිළිටි සරම් වලින් වසා ගෙන සඟවා ගත්හ.
ඔහුට පාසලේ ජ්යේෂ්ඨ සහතික පත්ර විභාගය පැවත්වීමට නියමිතව තිබුණු දිනයේ දී ම ලංකා ගුවන් විදුලි සේවයේ(රේඩියෝ සිලෝන්) සම්මුඛ පරීක්ෂණයට සහභාගී වීමට නියමිත ව තිබිණ. විභාගය නිම වීමට කාලය බොහෝ ඉතිරි ව තිබිය දී කුසලතා පරීක්ෂණයට පෙනී සිටීම සඳහා හේ විභාග ශාලාවෙන් නික්ම ගියේ ය.
තනු රචකයෙක් වශයෙන්
සිරිසේන විමලවීර ගේ රොඩී කෙල්ල චිත්රපටයට සංගීතය අධ්යක්ෂණය කරමින් කේමදාස චිත්රපට සංගීත අධ්යක්ෂණයට පිවිසියේ ය. බඹරු ඇවිත් චිත්රපටය තුළින් ඔහු වන විට ශ්රී ලාංකේය චිත්රපට සංගීතයට ආගන්තුක වූ අද්විතීය සංගීත ශෛලියක් හඳුන්වා දුන්නේ ය. අනතුරුව ඔහු සම්මානනීය චිත්රපට අධ්යක්ෂකවරයෙකු වූ ආචාර්ය ලෙස්ටර් ජේම්ස් පීරිස් මහතාගේ ගොළු හදවත සහ නිධානය වැනි චිත්රපටවලට සංගීත අධ්යක්ෂණයෙන් දායක වූවේ ය. චිත්රපට සංගීත අධ්යක්ෂකයකු වශයෙන් කේමදාස විචාරකයන්ගේ ප්රසංශාවට පාත්ර වූ අතර එතැන් සිට ඔහු කේමදාස මාස්ටර් යන ගෞරව නාමයෙන් ආමන්ත්රණය කරන්නට විණ. චිත්රපටයේ රූප රාමු වලින් හැඟවෙන භාවයන් උද්දීපනය කිරීම උදෙසා බටහිර සම්භාව්ය සංගීතයේ භාවිතය, චිත්රපට සංගීතයේ කේමදාස සළකුණ සනිටුහන් කළේය. මොහුගේ සමහර නිර්මාණ වලට වුල්ෆ්ගැන්ග් ආමේඩියස් මෝසාර්ට් සහ ගයිසෙප් වර්ඩි වැනි බටහිර ඔපෙරා නිර්මාපකයන්ගේ නිර්මාණවල ආභාසය ලැබී ඇත.
ශ්රී ලාංකේය සිනමා සංගීතයට ඉන්දියානු ආභාසය ලැබ අනුකරණවලින් යැපෙමින් තිබූ යුගයක සිනමා සංගීතය ශ්රී ලාංකීකරණය කිරීම උදෙසා කේමදාස මහත් වෙහෙසක් දැරීය. ගොළු හදවත චිත්රපටය සඳහා කේමදාස නිර්මාණය කළ සංගීතය සිංහල සිනමා සංගීතයේ මහත් පෙරලියක් ඇති කිරීමට සමත් විය. පසු කාලීන ව ආචාර්ය ප්රේමසිරි කේමදාස මහතා , ජයන්ත චන්ද්රසිරි ගේ අග්නිදාහය චිත්රපටයට ත්, සිනමා ක්ෂේත්රයෙන් තම සමුගැනීම සනිටුහන් කරමින් ආචාර්ය ලෙස්ටර් ජේම්ස් පීරිස් මහතා අධ්යක්ෂණය කරන ලද අම්මාවරුණේ චිත්රපටයට ත්, සංගීත නිර්මාණයෙන් දායක වූවේය. හංසවිලක්, තුන්වෙනි යාමය, පාර දිගේ සහ යස ඉසුරු වැනි චිත්රපට සඳහා ප්රේමසිරි කේමදාස ශූරීන් විසින් රචිත සංගීතය ඔහු ඒ වන විට ත් සිනමා ක්ෂේත්රය තුළ ලබා තිබූ ප්රසාදය ඉහළ නංවන්නට සමත් විය. ඔහු ශ්රී ලංකාවෙන් පිටත දී නිශ්පාදනය වූ දහසක් මල් චිත්රපටයට ද සංගීත අධ්යක්ෂණයෙන් දායක වූවේ ය. ඔහු අවසාන වශයෙන් දායක වූ චිත්රපට ලෙස සනත් ගුණතිලක ගේ එකමත් එක රටක සහ සිරිතුංග පෙරේරා ගේ කණ්යාවී හැඳින්විය හැක.
ටෙලිනාට්ය සංගීතයට කේමදාස ශූරීන්ගෙන් ලැබුණු දායකත්වය තුළින් ශ්රී ලාංකේය සංගීතයට තවත් අග්රගණ්ය කලාකෘති රැසක් උරුම විය. දක්ෂ ටෙලි නාට්ය සහ චිත්රපට අධ්යක්ෂකවරයෙකු වන ජයන්ත චන්ද්රසිරි මහතා ගේ නිර්මාණ තුළින් කේමදාස ශූරීන් ගේ අමරණීය සංගීත නිර්මාණ රැසක් බිහි විය. දඬුබස්නාමානය ටෙලි වෘතාන්තය සඳහා කේමදාසයන් නිර්මාණය කළ පෙර නොඇසූ විරූ සංගීතය, ප්රේක්ෂකයන් වශීකෘත කිරීමට සමත් විය. මේ ඉන්ද්රජාලිත ගාන්ධර්වයා දායකත්වය දැක්වූ ටෙලි නිර්මාණ අතර වන ජයන්ත චන්ද්රසිරි ගේ වෙද හාමිනේ, අකාල සන්ධ්යා, සතර දෙනෙක් සෙන්පතියෝ, ධර්මසේන පතිරාජ ගේ ගඟුලෙන් එගොඩට, ඇල්ල ළඟ වළව්ව, පුර සක්මන සහ බන්දුල විතානගේ ගේ අසල්වැසියෝ වැනි ටෙලි නාට්ය, ප්රේක්ෂකයන් හට කිසිදා අමතක නොවන සංගීතමය අත්දැකීම් ලබා දෙන්නට සමත් විය. ඔහු අවසාන වශයෙනසෙංගීත අධ්යක්ෂණයෙන් දායක වූ ටෙලිනාට්යය ලෙස දේවින්ද කෝන්ගහගේ අධ්යක්ෂණය කළ සදිසි තරණය හැඳින්විය හැක.
කේමදාස ජයන්ත චන්ද්රසිරි ගේ මෝරා, අත් සහ ධර්මසිරි බණ්ඩාරනායක ගේ මකරාක්ෂය, ධවල භීෂණ යන වේදිකා නාට්යවලට ද, දායක වූවේ ය.
ඔහු විසින් රචනා කරන ලද සංධ්වනි අතර මුහුද, මගේ කාලේ මව්නි සහ සිංහල අවුරුද්ද වෙයි. බුදුන් වහන්සේ ගේ පිරිනිවීමේ අවස්ථාව පාදක කොට ගෙන ඔහු විසින් නිර්මාණය කරන ලද පිරිනිවන් මංගල්යය කැන්ටාටාව විශ්ව සංගීතය තුළ හමුවන එකම බෞදිධ කැන්ටාටාව ලෙස හැඳින්විය හැක. එම සුමධුර නිර්මාණය කේමදාස ශුරීන්ගේ අවමඟුල් උත්සවයේ දී කේමදාස පදනමේ සිසු සිසුවියන් විසින් ඉදිරිපත් කරන ලදී.
කේමදාසගේ සංගීත නිර්මාණ තුළ දක්නට ලැබෙන ඔපෙරාමය සහ ප්රසංවාදී ගායනයන්, ඔපෙරා සහ හාමනි (ප්රසංවාද) පිළිබඳ ව ඔහුගේ වූ පෘථුල දැනුම විදහාපායි. ඔහුගේ ජීවිත කාලය තුළ ගායනයෙහි සහ වාදනයෙහි ලා විවිධ අත්හදාබැලීම් කිරීමට කේමදාස පසුබට නොවූයේ ය. එකිනෙකට නොගැලපෙන රිද්ම රටා, අතිශය විප්ලවකාරී වූ ප්රසංවාදයන් සහ සිතාරය වැනි සංගීත භාණ්ඩ වාදනයෙහිලා නැවුම් ශිල්ප ක්රම භාවිත කිරීම් ඔහුගේ සංගීත නිර්මාණ තුළ නොඅඩුව දක්නට ලැබේ.
ශ්රී ලාංකේය සංගීතඥයන් අතර ඔපෙරා ශෛලිය ප්රගුණ කළ සහ නිර්මාණය කළ එකම සංගීතඥයා ලෙස කේමදාස හැඳින්විය හැක. ගම්බද ප්රදේශවලින් පැමිණ කේමදාසයන්ගෙන් සංගීතය හදාරා පුහුණුව ලැබ ඔහුගේ ඔපෙරාවන්හි රඟ දක්වන දක්ෂ ශිෂ්ය පරපුරක් ඔහු සතුව සිටියේ ය. මානසවිල, දොරමඩලාව සහ සොඳුරු වර්ණදාසි කේමදාස ගේ ඔපෙරා අතර වෙයි. අවසාන වශයෙන් ඔහු නිර්මාණය කළ අග්නි ඔපෙරාව පුරාණ ශිෂ්ඨාචාරය පිළිබඳ ව නිර්මාණය වූවකි. ඔහුගේ ඔපෙරා සියල්ලම සිංහල භාෂාවෙන් ලියැවී ඇති බැවින් ඒවා සිංහල ඔපෙරා ලෙස හැඳින්වීම වරදක් නොවේ. ඔපෙරා සංගීතයේ මර්මස්ථානය ලෙස හැඳින්විය හැකි ඕස්ට්රේලියාවේ සිඩ්නි ඔපෙරා හවුස් හි පවා ඔපෙරා රඟ දැක්වීමට කේමදාස ඇතුළු කණ්ඩායමට අවස්ථාව උදාවී ඇත. ශ්රී ලාංකේය සංගීතයේ කේමදාස සළකුණ ඉදිරියට ගෙන යාම උදෙසා වර්තමානයේ කේමදාස පදනමේ සිසු සිසුවියෝ ක්රියා කරති. වර්තමානයේ ශ්රී ලංකාවේ සිටින දක්ෂ සංගීතඥයින් වන අමරසිරි පීරිස්, සමන්ත පෙරේරා, ඉන්දිකා උපමාලි, නදීක ගුරුගේ, කසුන් කල්හාර වැන්නවුන් කේමදාසගේ ගුරුහරුකම් තුළින් සංගීත ක්ෂේත්රයට පැමිණියවුන් ය.
හැත්තෑවන වියෙහිදී සිදු කරන ලද වකුගඩු බද්ධකිරීමේ ශල්යකර්මයෙන් අනතුරුව ද ශ්රී ලාංකේය සංගීතයේ අනාගාතය සුරක්ෂිත කිරීමේ අරමුණ ඇති ව කේමදාස ශූරීහු නැවත සංගීත ක්ෂේත්රයට පිළිපන්නේ ය. මාස්ටර්, 2008 ඔක්තෝබර් 24 වන දා රාජ්ය ගෞරව සහිත ව දැයෙන් සමුගන්නා විට 71 වන වියෙහි පසුවූවේ ය. එතැන් සිට ශ්රී ලාංකේය සංගීතයේ කේමදාසයෙන්ගෙන් හිස් වුණු අඩුව පිරවීමට සමත් කිසිවකු බිහි නොවීම තුළින් ම ඔහුගේ විශිෂ්ඨත්වය මොනවට පැහැදිලි වෙයි.