අවසන් රාත්‍රිය කෙමෙන් වියැකෙමින් තිබුණි. ඈත් වූ ලෑලි අතරින් අපිළිවෙළ කාමරයට ඉඳහිට එබෙන අනාරාධිත සඳ එළියත් දුගඳ මිශ්‍ර වූ තෙත් සුළං රැල්ලත් මිලාන්ට ගණනක් නැත. ලෑලි කාමරයේ අබලන් වූ බෙලෙක් අල්මාරියට ගිලිහී වැටුණු මීයාගේ කර කර ශබ්දයෙන් මිලාන් නැවත පියවි සිහියට පැමිණියේය.
විසි අට හැවිරිදි මිලාන් තම සිතට කෙඳිරුවේය. මිය යෑමේ අදිටන කෙමෙන් දැඩි වෙමින් පැවතුණි. තමා හදා වඩා ගත් මවුපියන්ට ද පිටුපාමින් තමා ආදරය කළ තරුණී; චේතනා එතෙර රටක අවසන් සුසුම් පොද වාතලයට මුහු කළ බවට සැල වූ වේදනාකාරී වචන වැල මිලාන්ගේ දෙකන් අතරේ දෝංකාර දුන්නේය.
දැන් පැමිණ තිබෙන්නේ ජීවිත යාත්‍රාවේ අවසන් නිම්නයටය. තව සුළු මොහොතකින් මෙලොව හැරදා සදානන්දනීය වූ හුදෙකලා කොදෙව්වේදී චේතනා සමඟ එක් විය යුතුය. මිලාන් වහා නැගිට්ටේය. අවසන් වරට තමාට මෙතෙක් දුක් විදින්නට සෙවණ සැදූ මුඩුක්කු කාමරය දෙස මිලාන් බැලුවේ කෘතගුණ සැලකීමට මෙනි.
සියලු සිතිවිලි හිරකරලමින් මිලාන් පාලමෙන් පැනීමට සැරසුණේය. එකවර ඇසුණු ගැහැනු කටහඬ ඔහුගේ අවසන් පිටවීමට බාධා කළේය. මරණ සිතිවිල්ල පරයා නැගුණු ආගන්තුක සිතිවිලි දාමයකින් මිලාන්ගේ හිත පිරී ගියේය. ඔහු වහා හඬ පැමිණි දෙස බැලුවේය. පාලමෙන් පැනීමට ගොස් කෙළවරක හිර වී සිටින තරුණිය මිලාන්ගෙන් ජීවිතය ඉල්ලා සිටියේය.
ජීවිතය ගැනත්, මරණයේ බියකරු බවින් උපන් ළෙන්ගතු මිත්‍රත්වය ගැනත් ජීවිතයේ ඉදිරිය ගැනත් නිරතුරුවම කතාබහ කරමින් මිලාන් සහ කෞෂි එකට නිවෙසේ දෙතැනක දිවි ගෙවමිනි. එක් දිනෙක ලැබෙන ඇරැයුමකට අනුව කෞෂි සහ මිලාන් පිටව යන්නේ මිලාන්ගේ මිතුරකුගේ උපන් දින සාදයකටය. මේ සොඳුරු සාදය ඔවුන්ගේ ජීවිතය අඳුරු කරාවි යයි මිලාන්වත්, කෞෂිවත් කිසි විටෙකත් නොසිතුවේය.
සාදයෙන් උණුසුම්න්ද මත්පැනින්ද සන්තර්පණය වී සිටි මිලාන් උන්නේ පියවි සිහියට ඔබ්බෙනි. ඒ හේතුව මත කෞෂිගේ කැමැත්තෙන්ම ඉම්රාන් ද කුලී නිවෙසට පැමිණෙන්නේ බලාපොරොත්තු රැසක් පෙරදැරි කොට ගනිමිනි. එදින රාත්‍රිය කෞෂිගේ සහ ඉම්රාන්ගේ ප්‍රේම ජීවිතයේ උච්චතම තැන ස්පර්ෂ කරමින් තිබිණි. උදෑසනට අර අඳින සඳඑළිය අතරේ ඉම්රාන් සහ කෞෂි යහන් ගතවන්නේ උපරිම ආදරයෙන් වෙළෙමිනි.
එක් දිනෙක දිවා කාලයේ කුලී නිවෙසට පැමිණෙන මිලාන් නිවෙස ඉදිරිපිට නවතා තිබූ ඉම්රාන්ගේ වාහනය දැකීමෙන් සියල්ල අවබෝධ කර ගන්නේ සංවේගයෙනි. ඒ පිළිබඳ අසන සෑම ප්‍රශ්නයකටම සෘණාත්මක පිළිතුරු සපයන කෞෂි මේ ඇසුර පිළිබඳ මිලාන් අසන කතාන්දරය තරයේ ප්‍රතික්ෂේප කරන්නේ කෝපාවිෂ්ටවය. නමුදු අවසානයේ ඉම්රාන්ගේ අමතකව ගිය මුල් පසුම්බිය පැනයට කදිම පිළිතුරක් ලබා දෙන්නේ ඉම්රාන් කෞෂි කෙරෙහි තිබූ ප්‍රේමය පලුදු කරලමිනි.
චේතනා මිය ගිය බව මිලාන්ට ඒත්තු ගන්වන කතා පුවත දෙමාපියන් විසින් සැලසුම් කළ මිථ්‍යා කතාවක් බව චේතනා මිලාන්ට පවසන්නේ දැඩි පශ්චත්තාපයෙනි. අහිමි වූ දෙයට වඩා හිමි කරගත යුතු දේ ගැන සිතන මිලාන් ඉම්රාන්ගේ දෙබිඩි ජීවිතය ගැන කෞෂිට පවසයි. නමුදු කෞෂි මිලාන්ගේ කිසිදු කතාවක් පිළිගැනීමට මැලි වෙයි. ඉන් කලකිරීමට පත්වන මිලාන් ඉම්රාන්ගේ දෙපස දිවි ගෙවන කෞෂිව සියැසින් දැකීමට සලස්වයි. නමුදු කෞෂි ඉම්රාන් කෙරේ ඇති ආදරය බිඳ නොගනී.
මේ සියල්ල විඳ දරාගත නොහැකි කෞෂි ජීවිතයේ යථාර්ථය හෙළි කිරීමට තීරණය කරයි.
අවසානනෙය් ඉම්රාන්ට කුමක් වේවිද?
මේ සියලු පැනවලට පිළළිතුරු සොයන කතාන්දරයයි ‘අනිත්‍යා’. නාලක විතානගේ ගේ කුලුඳුල් අධ්‍යක්ෂණය වන අනිත්‍යා හෙට සිට එම්. පී. අයි. මණ්ඩලයේ සිනමා ශාලාවලදී නැරැඹීමෙන් මෙම පිළිතුරු සියල්ල නිරාකරණය කර ගැනීමට හැකිවනු ඇත.
