මෙරට අග්රගණ්ය කලා ශිල්පිණියක වූ මානෙල් ජයසේන සිංහල වේදිකාවේ කිසිසේත්ම අමතක කළ නොහැකි ප්රවීණ රංගවේදිණියක වූවාය.
1962 දී හෙන්රි ජයසේනයන් සමඟ විවාහ දිවියට ඇතුළත් වූ ඇය 1963 දී ‘කුවේණි’ නාට්යයත් සමඟින් රංගන චාරිකාව ආරම්භ කළාය.
තම කුළුඳුල් රංගනයෙන්ම හොඳම වේදිකා නාට්ය රංගන ශිල්පිණිය ලෙස සම්මානයට පාත්ර වූ ඇය ‘අපට පුතේ මගක් නැතේ, දිරිය මව, අහස් මාලිගා, මනරංජන වැඩ වර්ජන, සරණ සියොත් සේ, තවත් උදෑසනක් සහ හුණුවටයේ කතාව’ නාට්ය ඇතුළු නාට්ය රැසකින් ප්රේක්ෂකයාගේ බුහුමනට පාත්ර වූවාය.
හුණුවටයේ කතාවේ ගෲෂාගේ භූමිකාව වසර 32 ක් පුරා වේදිකාවේ රඟ දුන් ඇය පුංචි තිරයේ ද ආදරණීය ශිල්පිණියක වූවාය.
සත්පුර වැසියෝ, සූරිය දරුවෝ, හිරු කුමාරි, ස්වර්ණ කිංකිණි, එක ගෙයි කුරුල්ලෝ, අඳුකොළ, ඉරට මුවාවෙන් ඇතුළු සීමිත ටෙලි නාට්ය සංඛ්යාවක රඟ පෑ ඇය රෙජී පෙරේරාගේ සැඩොල් කඳුළු, ඩී. බී. නිහාල්සිංහයන්ගේ රිදී නිම්නය, උදයකාන්ත වර්ණසූරියගේ මහමෙර උසට චිත්රපටවල ද රඟපෑවාය.
2004 වසරේ ජූලි 24 වැනිදා ජීවන රඟමඬලින් නික්ම ගිය මානෙල් ඒ වන විට 68 වැනි වියේ පසු වූවාය
Sarasaviya | 
